مستانا

خییال دووارلارینین دالداسیندان منی چاغیردی: مستانه!

دئدیم: نه اولار منی ده آپار!  گولدو، دئدی: « بیلیرسن کی اولماز!» پارچانین اوستونده رسیم چکیردی. دنیز دالغالی ایدی! دئدیم:« دئیه سن منیم اوره ییمی دینله ییرسن!» دئدی:« من جوشغون دنیزی چوخ سئویره م » دئدیم:« آما سن کی آرام سان!؟» دئدی:« گوءی ، ائله گوءیدو!» دئدیم:« آما کده رلی هاوادا یوخ!» گولومسه دی! دالینی منه دوءندریب قاریشمیش جیزیخلاری بویادی. دنیز قوشو اوچدو! یئل اسدی. آتوشگه آچیلدی. نارینج گولونون قوخوسو اوتاقدا داغیلدی. آنام ، بیر ایسلانمیش دسمالی آنلیما قویدو! حیدر قادینلار کیمی حزین حزین آغلاییردی. سهیل ایله چیچک اوتاغین بیر گوشه سینده تومموشدولار. آتام جیغالا چکیردی. دوقتور سوروشدو:« نئچه گوندور کی تب ائدیب؟!» حیدر دئدی:« دونه نده ن دوقتور بی!» دوقتور دئدی:« چوخ ایره لی دئییل! داوا وئرره م تبی یئنه ر!»